Xəbərlər

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

Şəhid jurnalist Sirac Abışovun əziz xatirəsini yad etdik.

ETİHİ Qubadlı Rayon Həmkarlar Komitəsi olaraq şəhid jurnalist Sirac Abışovun əziz xatirəsini yad etdik.

Vətən uğrunda canından keçən hər bir şəhidimizin xatirəsi bizim üçün müqəddəsdir. Onların həyat yolu, Vətənə bağlılığı və göstərdikləri fədakarlıq daim ehtiramla yad edilir.

Qubadlı Rayon İcra Hakimiyyətinin təşkilatçılığı ilə 28 avqust 2026-cı il tarixində Sumqayıt şəhəri Şəhidlər Xiyabanında Vətən müharibəsində şəhid olmuş jurnalist Sirac Abış oğlu Abışovun doğum günü münasibətilə anım tədbiri keçirilib.

ETİHİ Qubadlı Rayon Həmkarlar Komitəsi olaraq biz də bu kövrək və qürurverici tədbirdə iştirak etdik. Şəhidimizin məzarı önünə əklil və gül dəstələri qoyaraq onun əziz xatirəsinə dərin ehtiramımızı ifadə etdik.

Sirac Abışov peşəsinə sadiq, Vətən həqiqətlərini işıqlandıran və sonadək öz vəzifə borcuna bağlı qalan qəhrəman jurnalistlərimizdən biri idi. Onun Vətənə xidmətlə keçən ömrü xalqımızın yaddaşında əbədi yaşayacaq.

Bəzən bir ömür qısa olur, amma Vətən üçün yaşanan həyat əbədiyyətə çevrilir...

Ruhun şad olsun, şəhid Sirac Abışov!

Səni və bütün şəhidlərimizi dərin ehtiram və sonsuz minnətdarlıqla anırıq.

Şəhidlər ölməz, Vətən bölünməz!

Yubilyar həmkarlarımızla görüş

ETİHİ Qubadlı Rayon Komitəsi tərəfindən Qubadlı rayon ümumtəhsil məktəblərində çalışan və avqust ayında 60 və 65 illik yubileyləri tamam olan ittifaq üzvlərinin təbrik edilməsi ilə bağlı tədbir keçirilmişdir.

Tədbirdə ETİHİ Qubadlı Rayon Komitəsinin sədri Ruhiyyə Həziyeva, Qubadlı rayon Təhsil Sektorunun aparıcı məsləhətçisi Zakir Qasımov və Sektorun kollektivi iştirak etmişdir.

Çıxışlarda yubilyar həmkarlarımızın uzun illər ərzində təhsil sahəsində göstərdikləri zəhmətkeşlik, fədakarlıq və səmərəli əmək fəaliyyəti yüksək qiymətləndirilmiş, onlara möhkəm cansağlığı, yüksək əhval-ruhiyyə, ailə səadəti və gələcək fəaliyyətlərində yeni uğurlar arzulamışlar.

Tədbirin sonunda yubilyar həmkarlarımıza Fəxri Fərman və mükafatlar təqdim olunmuşdur.

Əziz həmkarlarımız, hər birinizi bir daha ürəkdən təbrik edir, sizə möhkəm cansağlığı, uzun ömür və xoş günlər arzulayırıq!

Quba rayonuna səyahət

 ETİHİ Qubadlı rayon Komitəsinin dəstəyi ilə təhsil işçilərinin istirahət günlərinin səmərəli keçirilməsi üçün gəzinti və ekskursiyaların təşkili davam edir.

 Qubadlı rayon Xıdırlı kənd tam orta məktəbin kollektivi  Quba rayonuna səyahət edib.

 Təhsil işçilərinə göstərilən diqqət və qayğıya görə Elm və Təhsil İşçiləri Həmkarlar İttifaqı Respublika Komitəsinə təşəkkür edirik.

Şamaxı rayonuna səyahət

 ETİHİ Qubadlı rayon Komitəsinin dəstəyi ilə təhsil işçilərinin istirahət günlərinin səmərəli keçirilməsi üçün gəzinti və ekskursiyaların təşkili davam edir.

 Qubadlı rayon 1 nömrəli Körpələr evi – Uşaq bağçasının kollektivi  Şamaxı rayonuna səyahət edib.

 Təhsil işçilərinə göstərilən diqqət və qayğıya görə Elm və Təhsil İşçiləri Həmkarlar İttifaqı  Respublika Komitəsinə təşəkkür edirik.

Qusar rayonuna səyahət

ETİHİ Qubadlı rayon Komitəsinin dəstəyi ilə təhsil işçilərinin istirahət günlərinin səmərəli keçirilməsi üçün gəzinti və ekskursiyaların təşkili davam edir.

 Qubadlı rayon Faiq Qasımov adına Mahmudlu kənd tam orta məktəbin kollektivi  Qusar rayonuna səyahət edib.

 Təhsil işçilərinə göstərilən diqqət və qayğıya görə Elm və Təhsil İşçiləri Həmkarlar İttifaqı Respublika Komitəsinə təşəkkür edirik.

Qəbələ rayonunda unudulmaz istirahət

Elm və Təhsil İşçiləri Həmkarlar İttifaqı Qubadlı Rayon Komitəsi Qubadlı rayon Süleyman Rəhimov adına Mahruzlu kənd  tam orta məktəbinin kollektivinin asudə vaxtının səmərəli keçirilməsini təşkil etmişdir. Onlar ölkəmizin səfalı guşəsi olan Qəbələ şəhərinə səfər etmiş, gözəl təbiətin qoynunda istirahət etmiş və xatirə şəkilləri çəkdirmişlər. Kollektiv yaradılan şərait və dəstəyə görə Elm və Təhsil İşçiləri Həmkarlar İttifaqı Respublika Komitəsinə təşəkkürlərini bildiriblər.

Qusar rayonunda yaddaqalan istirahət təşkil olundu

ETİHİ Qubadlı rayon Komitəsinin dəstəyi ilə təhsil işçilərinin istirahət günlərinin səmərəli keçirilməsi üçün gəzinti və ekskursiyaların təşkili davam edir.

Qubadlı rayon Hafiz Quliyev adına Çaytumas kənd məktəb-liseyinin kollektivi Qusar rayonunun gözəl təbiəti və gəzməli-görməli məkanları ilə tanış olaraq xoş və yaddaqalan anlar yaşayıblar.

Bu təşəbbüsə görə Elm və Təhsil İşçiləri Həmkarlar İttifaqı Respublika Komitəsinə minnətdarlığımızı bildiririk.

Təhsil İşçilərinin xoş istirahətləri davam edir

Elm və Təhsil İşçiləri Həmkarlar İttifaqı Qubadlı Rayon Komitəsi Qubadlı rayon Şahbaz Kərimov adına Çərəli kənd  tam orta məktəbinin kollektivinin asudə vaxtının səmərəli keçirilməsini təşkil etmişdir. Onlar ölkəmizin səfalı guşəsi olan İsmayıllı şəhərinə səfər etmiş, gözəl təbiətin qoynunda istirahət etmiş və xatirə şəkilləri çəkdirmişlər. Kollektiv yaradılan şərait və dəstəyə görə Elm və Təhsil İşçiləri Həmkarlar İttifaqı Respublika Komitəsinə təşəkkürlərini bildiriblər.

İsmayıllı rayonuna səyahət

 ETİHİ Qubadlı rayon Komitəsinin dəstəyi ilə təhsil işçilərinin istirahət günlərinin səmərəli keçirilməsi üçün gəzinti və ekskursiyaların təşkili davam edir.

 Qubadlı Şəhər 2 nömrəli Körpələr Evi- Uşaq Bağçası kollektivi  İsmayıllı rayonuna səyahət edib.

 Təhsil işçilərinə göstərilən diqqət və qayğıya görə Elm və Təhsil İşçiləri Həmkarlar İttifaqı     Respublika Komitəsinə təşəkkür edirik.

Şəki şəhərinə səyahət

Qubadlı rayon İsmət Qayıbov adına Saray kənd tam orta məktəbin kollektivi Şəki rayonunun gözəl təbiəti və gəzməli-görməli məkanları ilə tanış olaraq xoş və yaddaqalan anlar yaşayıblar.

Bu təşəbbüsə görə Elm və Təhsil İşçiləri Həmkarlar İttifaqı Respublika Komitəsinə minnətdarlığımızı bildiririk.